Տո Քոչարյանը լավ էլ խորովածի սեղանի ընկեր է. Գևորգ Պետրոսյան/arenanews.am

Խորհրդարանը քննարկում է Բարձրագույն դատական խորհրդի անդամի թեկնածուի հարցը: Թեկնածուն Արդարադատության փոխնախարար Վիգեն Քոչարյանն է:

Իր ելույթում ԲՀԿ խմբակցության պատգամավոր Գևւորգ Պետրոսյանը հայտարարեց, որ մեկ տարի առաջ ընտանեկան բռնության մասին նախագծի քննարկման ժամանակ բուռն քննարկումներ է ունեցել արդարադատության փոխնախարար Քոչարյանի հետ, սակայն այդ պայմաններում էլ հիմքեր չունի կասկածի տակ դնելու Քոչարյանի թեկնածության արժեքը:

Պետրոսյանը նշեց, որ Վիգեն Քոչարյանը համալսարանում իր աշխատանքային ընկերն է. «Նա որպես գիտնական միշտ էլ արժեվորվել է, այդ թվում նաև նախկին իշխանությունների կողմից: Բայց նա քաղաքական պաշտոն չի զբաղեցրել, մասնակից չի եղել քաղաքական մանիպուլյացիաների: Նա որպես գիտնական միշտ գտնվել է իր բարձունքում: Նա իսկական գիտնական է: Վիգեն Քոչարյանը միջազգային իրավունքի բնագավառում ճանաչված մասնագետ է, պարկեշտ մարդ:

Մի քանի օր առաջ այս նույն ամբիոնից մի թեկնածու ամոթալի համարեց խորովածի սեղանին մասնակից լինելը: Տո Վիգեն Քոչարյանը լավ էլ խորովածի սեղանի մասնակից էլ է, լավ էլ սեղանի ընկեր է: Նա լավ գիտնական է ու լավ սեղանի ընկեր, և դրանք իրար հակացուցված չէն: Նրա միակ «թերությունն» այն է, որ բանտում չի ծանոթացել ինչ-որ մարդկանց հետ և բանտային հիշողություններով չի առաջնորդվում»:

Ձեզ հետաքրքիր կլինի նաև՝

Իմ պարգևատրումների տարեկան գումարը 8 ամսվա համար ՊԵԿ-ից 14 մլն դրամ է. Դավիթ Անանյան

Պետրոսյանը նշեց, որ դերասանություն չի ուզում անել ու չխոսել իր ու Քոչարյանի ընկերական կապերի մասին՝ վստահեցնելով, որ Քոչարյանը հայրենիքը սիրող ու պետականամետ մարդ է, ով բազմաթիվ առիթներ է ունեցել դրսում աշխատելու, սակայն հրաժարվել է գայթակղիչ առաջարկներից:

ԲՀԿ-ական պատգամավորը կոչ արեց ձայն տալ Քոչարյանին:

ԱԺ նախագահ Արարատ Միրզոյանը կատակեց, որ Քոչարյանն իրենց թեկնածուն է, պետք չէ իրենցից պաշտպանել նրան:

Նյութի աղբյուր՝ arenanews.am